Tilsynsrapport Skatteetaten

1 Innleiing

Digitaliseringsdirektoratet er tilsynsmyndigheit på området universell utforming av ikt.

Rettsleg grunnlag for tilsyn er likestillings- og diskrimineringslova (ldl) § 36 første ledd jf. ldl § 18 og forskrifta om universell utforming av ikt-løysingar § 5.

Vi gjennomførte tilsyn med Skatteetaten i tidsrommet 11.08.2020 til 23.10.2020. Tilsynet retta seg mot www.skatteetaten.no/person/.

Rapporten gjer greie for resultata innanfor tema for tilsynet, på dei sidene som er testa. Rapporten gir ikkje ei fullstendig tilstandsvurdering av nettstaden.

Resultata med grunngjeving og rettsgrunnlag står i kapittel 2.

2 Resultat

Resultata byggjer på informasjon frå testinga av nettstaden.

Det er avdekka brot på 5 av 19 krav som er testa, og feila er gruppert i 2 avvik. Det er ikkje gitt merknader.

Tabellen under gir ei oversikt over alle element som er testa på nettstaden, fordelt på testreglar. Tabellen viser tal brot og samsvar, og kor mange element som er testa totalt.

Resultata er dokumentert med skjermbilde og skriftleg grunngjeving

• Avvik inneber at verksemda ikkje oppfyller krav som er gitt avvik med reaksjonar i form av pålegg om retting og tvangsmulkt.
  
• Merknad inneber at tilsynsorganet finn grunn til å peike på forbetringspotensiale, men at forholdet ikkje er i strid med krav gitt i eller i medhald av lov eller forskrift. Det er opp til verksemda å vurdere om og korleis dei skal følgje opp merknader. Tilsynet kan ikkje følgje opp merknader med reaksjonar.

2.1 Avvik 1: Skjema

Skatteetaten sikrar ikkje universell utforming av skjema på nettstaden.

Avvik frå følgjande krav: ldl. § 18 jf. forskrift om universell utforming av ikt-løysingar § 4 første ledd jf. suksesskriterium i WCAG 2.0:

• 3.3.1 Identifikasjon av feil
• 3.3.2 Ledetekster eller instruksjoner

2.1.2 Kommentar til avvik 1

Feila som er avdekka gjer skjemaet vanskelegare å bruka for alle. Skattemeldinga er eit juridisk bindande dokument som gjeld rettar og plikter for brukaren.

• Feilmeldinga skal identifisera skjemaelementet der feilen oppstod. Det betyr at det skal vera konkret tekstleg informasjon om feltet som inneheld feil, i feilmeldinga.

• Når det er opplyst om at skjemaelement er obligatoriske med symbol, for eksempel stjerne (*), skal det vera forklart før symbolet blir teke i bruk første gong.

2.2 Avvik 2: Koding

Skatteetaten sikrar ikkje alltid korrekt koding av innhald på nettstaden.

Avvik frå følgjande krav: ldl. § 18 jf. forskrift om universell utforming av ikt-løysingar § 4 første ledd jf. suksesskriterium i WCAG 2.0:

• 1.3.1 Informasjon og relasjoner
• 4.1.1 Parsing (oppdeling)
• 4.1.2 Navn, rolle, verdi

2.2.2 Kommentar til avvik 2

Feila som er avdekka fører til at nettstaden er vanskeleg og uoversiktleg for blinde og svaksynte. Andre brukarar oppfattar struktur og relasjonar gjennom visuelle hint, og dette skal speglast i koden.

• Korrekt kode er viktig for å sikra at alle brukaragentar, som for eksempel ulike nettlesarar og hjelpemiddel presenterer innhald på nettstaden på rett måte for brukaren.

• Visuelle overskrifter skal vera koda som overskrifter. Overskrifter som inngår i eit visuelt overskriftshierarki, skal kodast med rett overskriftsnivå.

• Tabellar på nettstaden skal kodast med <table> -elementet.

• Dersom tabellen har ein tittel skal <caption>-elementet brukast for å definere tittelen og gi ei overordna beskriving av kva tabellen presenterer.

• Knappar som ikkje er koda med standardelementa for knappar i (X)HTML, skal ha informasjon om rolle, slik at brukaren veit kva funksjon komponenten har.

3 Om kontrollen

3.1 Tema

Føremålet med tilsynet er å kontrollere om Skatteetaten etterlever lov- og forskriftskrav om universell utforming av ikt, innanfor tema for kontrollen.

Tilsynet omfatta følgjande tema

• alternativt format
• bruk av skjema
• koding av innhald
• navigasjon
• tastaturbetening

3.2 Krav

Oversikt over krav (suksesskriterium) som er testa i kontrollen

• 1.1.1 Ikke-tekstlig innhold
• 1.3.1 Informasjon og relasjoner
• 1.4.1 Bruk av farge
• 1.4.3 Kontrast (minimum)
• 1.4.4 Endring av tekststørrelse
• 2.1.1 Tastatur
• 2.1.2 Ingen tastaturfelle
• 2.4.1 Hoppe over blokker
• 2.4.4 Formål med lenke (i kontekst)
• 2.4.6 Overskrifter og ledetekster
• 2.4.7 Synlig fokus
• 3.2.1 Fokus
• 3.2.2 Inndata
• 3.3.1 Identifikasjon av feil
• 3.3.2 Ledetekster eller instruksjoner
• 3.3.3 Forslag ved feil
• 3.3.4 Forhindring av feil (juridiske feil, økonomiske feil, datafeil)
• 4.1.1 Parsing (oppdeling)
• 4.1.2 Navn, rolle, verdi

3.3 Testreglar

Oversikt over testreglar som er brukt i kontrollen

• 1.1.1a Bilde har tekstalternativ
• 1.1.1b Formål med lenka bilde går fram av lenketekst og/eller tekstalternativ
• 1.3.1a Overskrifter er rett koda
• 1.3.1b Tabellar og overskriftsceller er rett koda
• 1.3.1c Lister er rett koda
• 1.4.1a Lenka tekst skil seg frå annan tekst med meir enn berre farge
• 1.4.1c Skjemaelement og feilmeldingar er merka med meir enn berre farge
• 1.4.3c Det er tilstrekkeleg kontrast mellom tekst og bakgrunn
• 1.4.4a Tekst kan forstørrast til minst 200 % utan tap av innhald og funksjonalitet
• 2.1.1a Det er mogleg å nå og betene innhald med tastatur
• 2.1.2a Det finst ingen tastaturfeller på nettsida
• 2.4.1a Det finst ein mekanisme for å hoppe til hovudinnhaldet på nettsida
• 2.4.4a Formål med lenker går fram av lenketeksten, eller lenketeksten og konteksten saman
• 2.4.6b Ledetekstar beskriv skjemaelement
• 2.4.7a Innhald som kan betenast med tastatur, får synleg fokusmarkering
• 3.2.1a Fokus ved tastaturnavigasjon, gir ikkje kontekstendring
• 3.2.2a Endra innstilling i skjemaelement fører ikkje til kontekstendring
• 3.3.1a Skjema gir feilmelding viss tomme obligatoriske skjemafelt blir oppdaga automatisk
• 3.3.1b Skjema gir feilmelding viss feil inndata blir oppdaga automatisk
• 3.3.2a Skjemaelement har instruksjon eller ledetekst
• 3.3.3a Skjema gir forslag til retting, viss feil i inndata blir oppdaga automatisk
• 3.3.4a Skjema med viktig formål let brukaren kontrollere og endre informasjon, eller angre innsending
• 3.3.4b Brukaren kan bekrefte eller angre sletting av lagra informasjon
• 4.1.1a Koden inneheld ikkje syntaksfeil
• 4.1.2a Skjemaelement er identifiserte i koden
• 4.1.2b Knappar er identifiserte i koden

3.4 Testinga av nettstaden

Vi har testa 19 av dei 35 suksesskriteria som utgjer minstekrava i forskrifta og vi har brukt 26 testreglar.

Verifikasjonen er gjort ved testing av 3 enkeltsider på nettstaden. Oversikt over testsider går fram av punkt 2.3.

Testinga er gjennomført med følgjande nettlesarar og verktøy:

• Google Chrome, versjon 85.0
• Kodevalidatoren til W3C
• Siteimprove Accessibility Checker (Utviding i Chrome)

Utover dette er nettstaden kontrollert med manuelle metodar. For informasjon om målemetodane vi har brukt, viser vi til testregelsettet vårt.

3.5 Enkeltsider som vart testa

Vi har testa lesing, korrigering og innsending av skattemeldinga i eit testmiljø som tilsvarer produksjonsmiljøet.

Vi har testa følgjande enkeltsider:

• Side 1 - Steg 1 - Oversikt over skattemeldingen
• Side 2 - Steg 2 - Bekreft og send inn skattemeldingen
• Side 3 - Steg 3 - Kvittering for innsendt skattemelding

Sidene som ikkje er lenka i lista, er sider som har ei nettadresse som er unik for kvar brukar.

3.6 Aktivitetar under tilsynet

Tilsynet med Skatteetaten omfatta følgjande aktivitetar:

1. Tilsynsvarselet vart sendt 11.08.2020.
2. Oversending av kopi av tilsynsvarselet per e-post 19.08.2020
3. Vi fekk dokumentasjon frå verksemda 25.08.2020
4. Møte med skatteetaten for avklaring av testbrukarar 14.09.2020
5. Oversending av ny tidsplan 22.09.2020
6. Testing og vurdering av nettstaden opp mot krava vart gjort i veke 40-41.
7. Sluttmøte vart gjennomført som teams-møte 20.10.2020.
8. Foreløpig rapport ble sendt ut 23.10.2020
9. Tilbakemelding frå verksemda vart motteke 09.11.2020.

4 Regelverk

Oversikt over aktuelt regelverk for kontrollen

• Lov om likestilling og forbud mot diskriminering (likestillings- og diskrimineringsloven)
• Forskrift om universell utforming av informasjons- og kommunikasjonsteknologiske (IKT)-løsninger
• Standarden for nettløysingar, Retningslinjer for tilgjengelig webinnhold (WCAG) 2.0
• Lov om behandlingsmåten i forvaltningssaker (forvaltningsloven)
• Lov om rett til innsyn i dokument i offentleg verksemd (offentleglova)

5 Standarden for nettløysingar

Ved å følgje WCAG 2.0 blir nettløysingar tilgjengelege for fleire personar med nedsett funksjonsevne. WCAG tek omsyn til at brukarane av nettløysingar har ulike føresetnadar, og dekker følgjande:

• Syn
• Kognisjon
• Lese- og skrivevanskar
• Norsk som andrespråk
• Motorikk
• Høyrsel
• Epilepsi
• Belastningsskadar

Nettløysingar som følgjer krava vil vere meir brukarvennlege for alle.

Krava til nettløysingar går fram av forskrifta § 4 første ledd, som seier at nettløysingar skal oppfylle Retningslinjer for tilgjengeleg webinnhald (WCAG) 2.0 nivå A og AA, med tre unntak.

35 av 61 suksesskriterium er gjort til obligatoriske minimumskrav for nettløysingar som er omfatta av forskrifta. Det er gjort unntak for suksesskriteria 1.2.3, 1.2.4 og 1.2.5, som regulerer lyd og video.

WCAG 2.0 er bygd opp av 4 prinsipp, 12 retningslinjer og 61 testbare suksesskriterium:

• Prinsippa beskriv grunnlaget for tilgjengelegheit på overordna nivå. I følgje prinsippa skal nettløysingar vere mogleg å oppfatte, mogleg å betene, forståelege og robuste.
• Retningslinjene er overordna mål for tilgjengelegheit i nettløysingar. Retningslinjene er ikkje moglege å teste, men dei set suksesskriteria i ein samanheng.
• Suksesskriteria er konkrete, testbare krav til tilgjengelegheit. Suksesskriteria er teknologinøytrale og vi kan følgje dei uavhengig av programmeringsspråk og publiseringsløysing.

I tillegg viser WCAG 2.0 til teknikkar med døme på korleis vi kan oppfylla suksesskriteria.